ადამიანოთერაპია
ხანდახან მაინც...
ისე, უბრალოდ უნდა ვიჯდე
და ვიხსენებდე რაღაცეებს...
მარჯვნივ მამაჩემის გადიდებული სურათია.
წინ, კედელზე - რეზო ინანიშვილის ფანქრით
ნახატი პეიზაჟი,
მარცხნიდან ვაჟა გადმომყურებს იარაღზე ხელდადებული
დიდი ბოხოხით,
უფრო ზევით, თაროებში - შენი ავტოპორტრეტი.
აქ უნდა ვიჯდე ხოლმე,
ყოველდღიურობისგან დაფანტული,
აქ უნდა ვუსმენდე, აქ უნდა ვკრეფდე და ვიხსენებდე,
რამ მაქცია ადამიანად!
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru