მეგობარს
ვუძღვნი ი. გრიშაშვილს
სევდიან გზაზე არრა მჯეროდა,
მე წყნარ სიმღერას მოვკარი ყური,
ეხლაც არ ვიცი, თუ ვინ მღეროდა,
ზღვა ბობოქარი თუ მწარე ქარი?
იქნებ ფერია გამოსალმების
ჰანგებში ჰქმნიდა ჰანგსა მწუხარეს,
არარა ვიცი, მხოლოდ ამ ხმების
ძებნაში მოვვლი სამშობლო მხარეს!
1911
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru