* * * ბედი გამცემის ექსკლიუზივი
მივსებს და მაწვდის
სამსალის თასებს.
თუ ამოვიდა ერთხელაც ყელში
და უსინდისოდ დამაჯდა თავზე, -
თავგანწირულის ალალი რიხით
შეშლილ სახეში ლახტივით გესვრი:
- კაცობრიობავ,
ჯანდაბის იქით!
ჯანდაბის იქით გქონიდა გეზი!
ისე უხვია მურდალი პეშვი
და სასმისებრი - ერთგულად სავსე,
ვიცი, ოდესმე ამოვა ყელში
და დამაჯდება ეგ ბედი თავზე!
ჯერ კი, სამსალის ჯამით თუ ჭიქით
და შერჩენილი ჯიშით და სქესით,
კაცობრიობავ, ჯანდაბის იქით
მეც შენთან ერთად მიჭირავს გეზი.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru