* * * ბევრი გადიდგვარიანდა ექსკლიუზივი
ბევრი გადიდგვარიანდა,
მე ვერ გავდიდგვარიანდი,
მე ვარ ჩემი პაპისპაპის
უარესი ვარიანტი.
ჯავახეთის ეხო მესმის
ვარაზთან და ვარიანთან,
ვიცი, უნდა გამიმართლოს
რომელიმე ვარიანტმა.
იწურება დეკემბერი,
ჭაღებს იანვარი ანათებს,
ახარისხებს შემოდგომის
უარყოფილ ვარიანტებს.
მოემზადე, იქნებ დროა,
სათქმელს სატკივარი ანდო,
იქნებ შენი ჯერი დგება,
შვილო ანი ვარიანტო!
1985
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru