შვიდი ნოემბერი, 2007
ნოემბერის ცივი ქარი ქროდა,
ჭილყვავები მიფრინავდნენ მტკვარზე,
დაჭრილი მზის ათინათი კრთოდა
დაწეწილი დროშის დამსკდარ ტარზე.
მოედანზე გუგუნებდა ხალხი _
საზვარაკე პოლიტიკურ მოდის,
იმედების დაჟანგული ჩარხი
ხრიალებდა : “უარესი მოდის.”
მინდოდა რომ დამეყვირა მქისედ,
სიავისგან გამომეხსნა ის დღე...
ქაშუეთის სარკმელიდან ისევ
ნაღვლიანად მიღიმოდა ქრისტე.
2007
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru