Litclub.ge

შვიდი ნოემბერი, 2007

   ნოემბერის ცივი ქარი ქროდა,

   ჭილყვავები მიფრინავდნენ მტკვარზე,

   დაჭრილი მზის ათინათი კრთოდა

   დაწეწილი დროშის დამსკდარ ტარზე.

 

   მოედანზე გუგუნებდა ხალხი _

   საზვარაკე პოლიტიკურ მოდის,

   იმედების დაჟანგული ჩარხი

   ხრიალებდა : “უარესი მოდის.”

 

   მინდოდა რომ დამეყვირა მქისედ,

   სიავისგან გამომეხსნა ის დღე...

   ქაშუეთის სარკმელიდან ისევ

   ნაღვლიანად მიღიმოდა ქრისტე.

                                2007