* * * პეპელა უფრო დიდხანს ძლებს ექსკლიუზივი
ვიდრე ბათუმში თოვლი,
და მაინც,
მაინც
მიყვარს მზე
უპირველესად ყოვლის.
მომწონს ქარების წივილი,
წვიმაც,
სეტყვაც და
ბარდნაც...
და მაინც დიდი ტკივილით
დამამხო მზეზე დარდმა.
მზეო,
ამოდი,
გაბრწყინდი,
გამათბე,
გამალაღე!..
ბაღში ვდგავარ და
დარდს ვყიდი,
მყიდველი დამანახე.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru