* * * შენი ყოფნა - უსშველო ფიქრია ექსკლიუზივი
გულში სევდა-ვარამია მძიმე.
ამბობ: სიკვდილს არაფერი მიკლია...
ახლა ტყვიას დაგამადლის ვინმე?!
ლურჯი ზეცა უკვე სისხლისფერია,
დღე განკითხვის მომდგარია კარზე.
მოღალატის ღალატს ჯვარი სწერია,
შეიძლება... ძმამ გაგაკრას ჯვარზე.
* * * როდის ყოფილა შენთვის
როდის ყოფილა შენთვის,
ვინმეს ნუგეში ეთქვას...
თუნდაც იყავი ღმერთი,
ვინ გაღიარებს ღმერთად.
ჯვარცმა, გოლგოთა, დენთი,
ჟამი - შეცვლილი მკვეთრად...
თნდაც იყავი ღმერთი,
ვინ გაღიარებს ღმერთად.
ტკივილს ტკივილი ერთვის,
ღამე ათენებს თეთრად...
თუნდაც იყავი ღმერთი,
ვინ გაღიარებს ღმერთად.
როდის ყოფილა შენთვის,
ვინმეს ნუგეში ეთქვას...
თუნდაც იყავი ღმერთი,
ვინ გაღიარებს ღმერთად.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru