* * * გულში მახვილის ტრიალით ექსკლიუზივი
ყველგან უღმერთოდ მდევნეს.
ვეღარ ვამშვიდებ ტიალი
ეჭვით დაგლეჯილ ნერვებს.
ძმობას ვერავინ გამიწევს
შეძრულ, არყოფნის შიშთ.
ამევსო თვალი სამიწე:
მღვრიე უდაბნოს ქვიშით.
ხსოვნაში მძიმე წარსული,
ფიქრი გროვდება ზვავად.
ინთხევა სისხლი ჯვარცმული,
როგორც მძვინვარე ლავა.
წუხილი ვიღას გავანდო,
ქვეყნად ვერავის ვენდე.
მწუხარებაში გავა დრო,
როგორც გასულა დღემდე.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru