თოვლი ნაშუადღევს (მთარგმნელი: დათო გაბუნია)
მდელო ნახევრად დაფარულა თოვლით.
თოვლი სწორედ ისეთი იყო, გვიან ნაშუადღევ,ს რომ მოდის,
ახლა კი ბალახის პაწია სახლები ბნელდებიან.
2
ხელით რომ მივწვდე დაბლა მიწას,
სიბნელეს მუჭით ავიღებდი!
სიბნელე თურმე სულ იქ იყო, ჩვენ ვერ ვამჩნევდით.
3
როგორც კი თოვლი დამძიმდება, ხორბლის თავთავი
სიშორეში თითქოს ბნელდება,
ბეღელი სახლთან ახლოს მოდის.
აბობოქრებულ ქარიშხალში მარტო დადის თითქოს ბეღელი.
4
ბეღელი ხორბლით ავსებულა, ჩვენკენ მოიწევს...
ჩვენკენ მოიწევს, როგორც მძვინვარე ზღვაში - გემი;
მეზღვაურები ამ გემბანზე წლების მანძილზე ბრმები ყოფილან.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru