ნაცვლიშვლი პაატა
გაზიარება

ალავერდი ექსკლიუზივი

დღეს ალავერდი ისე ახლოა,
რომ როგორც სითბო შემოდის ჩემში,
აქ, ალბათ, თოვლის სამოსახლოა,
მე ალავერდის სითეთრე შემშლის.
ათასი წლის წინ მოსული თოვლი
მე გამოვტაცე წარღვნას და ხანძარს,
ათასი წლის წინ მოსული თოვლი
ალაზნის ველზე აღვმართე ტაძრად.
მოდის გუმბათთა წყება და წყება,
ებჯინებიან ჟამდაკრულ კედლებს,
და ალავერდი წინ მიუძღვება
გუმბათებს _ მზისკენ გაფრენილ მტრედებს.
მე ყველა ტაძარს შევფერავ თეთრად
და ავიტაცებ ბავშვივით ხელში,
მერე ზურგს ვაქცევ სულყველას ერთად
და ალავერდის სითეთრე შემშლის!

??????