მამა გიორგი(ოდიშვილი)
გაზიარება

ხარების ნათელი ექსკლიუზივი

ხარების ნათელი სანთლებად აუვლის
ამ ვარდებს, ამ აპრილს, ამ სივრცეს, ამ სიოს,
დიდება ღვთისა და ჯვარცმული მამულის,
აქსიოს, აქსიოს, აქსიოს, აქსიოს,
რომ ცოდვის სოფელი ცას მიესაუბროს,
ცოდვილთა მაგიერ რომ სისხლი აქციოს,
სამწმინდა არსების, სამწმინდა საუფლოს
დიდება, დიდება, აქსიოს, აქსიოს,
რომ სხივად შეენთოს იბერთა საცხოვარს,
იქ ბანას, იქ ტაოს, აქ ჯვარს და აქ სიონს,
დიდება მხსნელსა და წამებულ მაცხოვარს,
აქსიოს, აქსიოს, აქსიოს, აქსიოს,
ვით ვარდის ფურცლობა, ვით ოქრო ცურვილი,
სიკვდილით სიკვდილი სიცოცხლედ აქციოს,
დიდება ღვთისა და სიმართლის წყურვილის,
აქსიოს, აქსიოს, აქსიოს, აქსიოს.

??????