შონია ჯემალ
გაზიარება

ჩემი გრამატიკა ექსკლიუზივი

მე ვარ სახელი არსებითი
და მე წარმომთქვა მიწამ შენმა
შენივე ზეცის გასაგონად...
ხოლო შენ ზმნა ხარ უზენაესი,
შენშია ყველა მოქმედება,
სულისჩამდგმელი...
შენშია ყველა ზმნა, რომელთაც
მე მაზიარე:
ვწერ, ვსუნთქავ, მიყვარს,
ვესალმები, ვლოცულობ, მივალ...
ეს შენ კარნახობ მოძრაობას ჩემსას,
ძლიერო,
და მე ვარ შენი ქვეშევრდომი,
შენი ქვემდებარე
და მიმსახურე,
სამშობლოვ, ჩემო შემასმენელო!..

??????