*** "ოცდამეერთე საუკუნის დასაბამიდან" ^{ექსკლიუზივი}

ოცდამეერთე საუკუნის დასაბამიდან

რაღაც ხუთი თუ ექვსიოდე წელი გავიდა,

მაგრამ უეცრად სამყაროში გაჩნდა ნაპრალი _

ოცდამეერთე საუკუნის დასაბამიდან;

სამკლად სხვა მინდვრებს სთავაზობენ ნადს თუ მამითადს,

სულ სხვა ჯიში და მოდგმა მოდის _ დედით, მამითაც

და სხვა მზით ცრუობს შემოდგომის დღე შესაბრალი _

ოცდამეერთე საუკუნის დასაბამიდან;

მალე გახვალ და გამოღმიდან გაღმა გამიტან _

ოცდამეერთე საუკუნის დასაბამიდან;

სხვა დღე იბარტყებს, სხვანაირი მზით და ბარტყებით _

იჭვით, იმედით, წარღვნის წყლებით და ცისარტყელით, _

ეს ჩამჩურჩულა მომაკვდავმა ჩემმა მამიდამ _

ოცდამეერთე საუკუნის დასაბამიდან...