ფირცხალავა არჩილ
გაზიარება

* * * "ვუცქერ წვიმის და მიწის წაწლობას" ექსკლიუზივი

ვუცქერ წვიმის და მიწის წაწლობას
და მელანდება ვაჟას წაწლები,
იებო, თქვენი ლურჯი ღაწვებით
დღემ გაზაფხულის სუნთქვა მაცნობა.
დღემ გაზაფხულის სუნთქვა მახარა,
და შიგ თვალებში შემომაშუქა,
გახუნებია ჭიმღას ჭაღარა,
დღევ წარსულისა, შენ რომ აჩუქე.
მთები, გამთბარი მთები სტირიან,
თვალთაგან ცეცხლი სცვივა იაბოს,
კვირიკეს ნათელს კოცნის კვირია
და მზით გავსებულ ზღაპრებს მიამბობს.
ნეტავ რომელი გზით ამახვედი,
გაგვეცა, თორო გაიქარები,
ბიჭავ მაგვხედე, ბიჭავ მაგვხედე, _
თავს დამკივიან ფშავლის ქალები.
თან მაფიცებენ ერთგულ და-ძმობას,
თანაც მთასმავენ თვალთა ბაწრებით,
ვუცქერ წვიმის და მიწის წაწლობას
და მელანდება ვაჟას წაწლები.

??????