*** სანამ გიბია კარზე ულაყი"
სანამ გიბია კარზე ულაყი,
უღელში – ხარი, კვალში – გუთანი...
კედელზე ხმალი და ზამბულაკი,
მაშასადამე, გაქვს საყუდარი...
სანამ ჯერ კიდევ ამბობ, – ნახვამდის! –
სვამ და უგონოდ სანამ არ თვრები,
სანამ აუბნებ ენას ლაქარდით,
და, ესე იგი, მოემართები...
მოდიხარ, სანამ მოექანები,
სანამ ანბანი გაქვს საკუთარი,
გაქვს მშობლიური სანამ გარემო,
მაშასადამე, გაქვს საყუდარი...
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru