აპრილი
ბიბინებს ბალახი.
ეზოში ბეკეკა
კუნტრუშობს მალაყით.
ხეს წყალი ჩაუდგა,
გაშალა კვირტები,
მინდვრებში აღელდნენ
ჯეჯილის ზვირთები.
ერდოზე მერცხალი
შრომობს დამსვიდებით,
ბუდეებს აგებენ
ჩიორა ჩიტებიც...
ბოსტანში ღიღინით
ფუსფუსებს ბებია,
ჭაღარა ბაბუას
ის შეჯიბრებია!
სკოლიდან მორბიან
ბავშვები ყიჟინით,
მხარში უდგებიან,
შრომობენ ისინიც.
მზე ცაში ლივლივებს
ოქროსფრად დაღვრილი,
ამღერდა ქვეყანა,
გუგუნებს აპრილი!
1947 წ.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru