უპატრონო ბავშვი
საღამოთი, როგორც ბედი,
უდედმამო ბავშვთა ბაღში,
შემეფეთა უცაბედი
მზერა უპატრონო ბავშვის.
დამადუმა ბავშვის დარდმა, _
ენთო ცივი ცრემლი თვალში.
ალერსს მთხოვდა... გული დადნა,
კაცი დავიწვი და გავშრი.
განშორება, თვით სიკვდილიც
არაფრად ჩანს ცხოვრებაში,
როცა გდევს და შენში ტირის
მზერა უპატრონო ბავშვის...
1980
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru