გულეური ვასილ
გაზიარება

ჰიდრო-მეტეო-როლოგი 

ტელევიზორში მომესმა,
კი არ ვიძახი მოგონილს,
სიტყვა ჰგავს ენის გასატეხს:
ჰიდრო-მეტეო-როლოგი!
მამა ყველაფრის მცოდნეა,
ჰოდა, მას ვკითხე: მამიკო,
ჰიდრო-მეტეო-როლოგი
რას ნიშნავს, როგორ გავიგო?

მამამ თქვა: მაგის გარეშე
ცაზე ღრუბელი არ მიდის.
ეგ გვეუბნება, ხვალისთვის
როგორი გველის ამინდი...

მახსოვს, სოფელში რამდენჯერ
გავუშვით ჭია-მაია,
ვეკითხებოდით – ხვალისთვის
გვითხარ, როგორი დარია?

მჯეროდა, ჩემი მამიკო
გამიმართლებდა მოლოდინს...
ჭია-მაია ყოფილა
ჰიდ-რო-მე-ტე-ო-რო-ლო-გი!

??????