ყინვა
ააკანკალებს ყინვა ნაგაზებს,
ბეღურა ცრემლებს ხეს დააპკურებს.
აბა, ამაღამ გარეთ რა გაძლებს
ირგვლივ ატეხილ ყინვის კაკუნზე.
მცივანა ქარი ღრუბლის ნაფაზებს
მიაბოლებს და ფიფქებს დაჰყურებს,
და შეთეთრებულ მიწის დაფაზე
ჩამოვარდება მთვარის საყურე.
1956
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru