პერიოდიდან “365 ნამდვილი სიზმარი”
გავრბივარ,
მომსდევენ ხეების ჩრდილები. . .
ფანჯრიდან
მზვერავენ სიზმრების გმირები.
წვიმები
მიშლიან ბილიკებს გავლამდე. . .
მე თვითონ დავთვალე,
რამდენჯერ დავცალე
სახმო იოგები
მჭიდივით,
ოღონდ იქ,
შიგნით,
საფეთქლებს მიღმა
და კედლებს დავეხალე,
მაგრამ ვერ დავშალე. . .
რისთვის ააშენეთ ამხელა ქვები
და ცა გადამიმალეთ?
გავრბივარ შორს,
სადაც მწყემსივით ცხოვრობს მზე.
გაზაფხულს
მე სხვაგან შევხვდები
მიმყავს ხეები და
თქვენ რა გეშველებათ,
ჩრდილგახდილ ქალაქში ვინც რჩებით?
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru