ტუია
მწვერვალთან, სადაც ჰყვავის ტუია,
დგეხარ - ცისფერი.
საღამოვდება და სიყრუეა
მოპირისპირე.
ასე - ტუია და ცა უსივრცო
სულს ეხამება -
ასე არასდროს არ დაივიწყო
ეს შეღამება.
ასე - სავსეა ღამის ფიალა
სიცოცხლე, მიწა.
ასე - ტუიამ გაიშრიალა,
და გაიღვიძა.
ასე - ცისკარმან მიმოაფინა
ვარდი თუ ია.
და კვლავ ახალი სიცოცხლის წინა
დგეხარ, ტუია.
1940
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru