ფრაგმენტი
ტბა მოდის. ჭიამაიის
ფერი ფერადი მოყვება,
ამ გაზაფხულზე, ამ მაისს
სამშობლოს ამბებს მოჰყვება.
და გრძნეულ ხიდზე ვჭვრეტ სცენას -
ვაჟი ქალს ვარდებს უწოდებს.
ის წუთის ასეთ გაფრენას
მარადისს რასმეს უწოდებს.
ზაფხულს მთვარიან ფერიებს
სიმშვიდის რული ერევა,
იფერებს, ხავერდს იფერებს
ბინდის და ღამის შერევა!
1940
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru