სუროშემოხვეული
ოპერის ბაღს ერთგვარი
აქვს შვენება რჩეული;
სდგას მოხუცი მედგარი
სუროშემოხვეული.
მხარე - მისი გულია,
მხარე - მისი მგრძნობელი;
ირგვლივ ჟრიამულია,
გაზაფხულის მხმობელი.
ძალა ასეთ გულისა
იყო ლექსი მკობილი,
გრძნობა თვის მამულისა -
გრძნობა კეთილშობილი!
მიყვარს, როგორც მიყვარდა,
მე ეს მიდამოები,
ამ თეატრში გრგვინავდა
ჩემი საღამოები!
1939
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru