მონბლანი
ლაჟვარდის გული,
მდევივით ტანი!
გაბრწყინვებული
მოსჩანს მონბლანი.
იგი დგას მშვიდად
და უმოძრაოდ
მშვიდი სიდიდით,
მშვიდი საოცრად.
ადიდებული
მოგრგვინავს რონა,
გააფთრებული
ვეფხვი მეგონა,
ჰქუხს ტალღათ რიგით
რისხვად და მოსვრად
მწყრალი სასტიკად,
მწყრალი საოცრად!
1938
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru