დანგრეული სახლი სოხუმში
როგორც სიმსივნე
გადასარევი
ან მოწამლული
რამე იარა,
ისე - ფაშიზმი.
მან მღვრიენარევ
ნიაღვარივით
გადმოიარა.
მან საკუთარი
გადიხსნა ქალა
და ქვებზე თვისი
დაასხა ტვინი.
ახლა, შეხედეთ,
ვით გაქრა ძალა,
როგორ მიიმსხვრა
მომხდურის ჟინი!
სოხუმში სახლი,
ნგრეული მაშინ,
მზად არის თავი
მაღლა აიღოს:
სიმართლეს სწორედ
შეხედოს თვალში,
რანაირიც ის
არ უნდა იყოს!..
1932
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru