ჩვენ არ გვინდა სხვისი რბევა, ჩვენ არ გვინდა ომი
ციკლიდან „რევოლუციონური საქართველო“
ჩვენ არ გვინდა სხვისი რბევა,
ჩვენ არ გვინდა ომი,
მაგრამ კაპიტალისტების
არ ისვენებს ტომი.
რადგან მტერი არ ისვენებს
ჩვენი სისხლის მდომი -
ყველა წითელარმიელი
იდგეს, როგორც ლომი.
ჩვენი დროშა ნიშანია
არა ჩაგვრა-ომის,
მშვიდობიან მშენებლობის,
მშვიდობიან შრომის.
ევროპაში კი ბევრია
მიწა-მიწა მძრომი,
პროლეტარი ყველა ქვეყნის
უმძიმს ქვეშევრდომი.
ჩვენ წითელი არმია გვყავს
სადარაჯოს მდგომი,
იმ მხრითა სდგას ფაშისტების
ბერლინი და რომი;
მზად ვართ! როგორც კი გვიბრძანებს
შტაბი, პოლიტკომი
ვაგრძნობინოთ პუანკარეს -
როგორც უნდა ომი!
1930
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru