შეტაკება
ციკლიდან „პაციფიზმი“
ბანკირებო, მასის ოფლი
თქვენვე ცრემლებს დაგადენს,
ხალხი აღსდგა და ქუხილით
იკრიბება მაკადენსს.
უსამართლო ბანკირებო,
მასას ვერ გადურჩებით,
მთავარ გზაზე შეეტაკნენ
მექარხნე და მუშები.
შეეცოდათ: არ გასწყვიტეს
სიკვდილით და საკანით.
გულწასული ბანკირები
ზევით რბოდენ ქაქანით.
შიმშილისგან მოკლულებმა
საღამომდე იარეს,
სახლებში კი თავის ცოლებს
დარდი გაუზიარეს.
შემდეგ მთავარ პროსპექტებზე
იდგნენ როგორც ჩრდილები,
მოღუშულნი, წელში მაგრად
ჟილეტმოჭერილები.
1930
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru