ტაბიძე გალაკტიონ
გაზიარება

უდიადესი თუ რაიმე მოვა ხმელეთზე 

ციკლიდან „რევოლუციონური საქართველო“

ძვირფასი,
უკანასკნელი და პირველი!
რევოლუციას -
არა კატასტროფას!
არის კი რამე უფრო მძლავრი
და ჩამკირველი?
არარა! არასდროს!
თანდათან ძლიერდებიან
ყველა ქვეყნიური ხმები,
მალე გამეფდება კოსმიური
გრიგალის თქმები.
მაშინ სულერთია,
თუ როგორ მიდიან
ამ გავარვარებული
დღეებისა და ღამეების ვედრება,
დილა და საღამო. ლოდინი დიდია
მსოფლიო გაღვიძების,
ახალი შეხვედრის.
კაცობრიობის ისტორია
შეგნებულად გიგონებს შენ
წლების მილიარდობით
ქართლის ცხოვრებაშიც
ბევრია ქიმერა,
და ბევრი სწორია:
მართლაც რომ
სისხლითაა მორწყული
ყოველი ფართობი.
რევოლუცია!
შენ, რომელიც
გიგანტიური ნამსხვრევების
ყორედ აქცევ
ძველთა მქისობას,
რევოლუცია!
შენ, რომელიც
ახალი ბრძოლის
გზით მიაქცევ
მარადისობას.
გკითხავ:
არის რამ განა
ქვეყანაზე
უგულწრფელესი,
რომ გაისმოდეს:
უცებ რისხვა და
რევა უცება...
უდიადესი თუ რაიმე
მოვა ხმელეთზე
ვინემ ძახილი:
მსოფლიო
რევოლუცია!

1930

??????