მოტორი მღერის
ციკლიდან „ეპოქა“
მოტორი მღერის
აღელვებულს და წარმტაც ჰანგებს,
მოტორი ჰანგით
დაატყვევებს მანქანებს - მხეცებს,
მოტორი მთელი
სიამაყით ღამეს განაგებს,
მოტორი ისევ
იმ ადგილას ტრიალებს, ეძებს.
მოტორი ისმენს,
ისმენს ვნებით, ისმენს დუმილით.
ქარხანა ისმენს,
გამურულით სავსე კაცებით,
ქარხანა ისმენს
თავის შრომას, ფიქრით-ღუმელით,
ქარხანა შრომობს
სიხარულით და აღტაცებით.
1928
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru