ტყვია-წამალის ბოლი
როგორც თვითმკვლელი დღიურს,
შლიდა ლაჟვარდი ყანებს.
ვარდებს ეძინათ ტყიურს,
ტყესაც ეძინა მწვანეს.
ტყვია-წამალის ბოლი
გასცილებია ხაბოს,
მთვარეს ტბის არხევს ბროლი,
როგორც ხომალდის ნაფოტს.
ვარსკვლავებია თითბრის
და კოცონების ნთების.
ყრუ საიდუმლო მინდვრის,
ყრუ საიდუმლო მთების!
1927
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru