გული გრძნობს
ავტომობილის მღვრიე თვალებს დარევდა სევდა,
ელვარე ღამე აყირავებს ზამბახთა კალათს,
შენ გახსოვს? მღვრიე ქარიშხალი ჰაერს რომ რევდა.
გული გრძნობს ღალატს.
მწუხარე თოვლში წამიყვანა ფერადმა გემმა,
წინად ანგელოზს - დედამიწას ვუცქერი ჯალათს,
ო, შურს იძიებს უსათუოდ როსმე ბოჰემა.
გული გრძნობს ღალატს.
1927
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru