მე ვინც მიყვარდა...
მე რომ მიყვარდა, ის არი,
ოცნება გამიდიადა,
მისთა თვალთა ისარი
გულზე მაჩნია ტყვიადა.
საგულეს ის არ ჩადგება,
სხვადასხვათ თანატოლობა,
იმას რად გამოადგება
მონადირისა ცოლობა.
ბევრი მოგიკლავს ტახები,
ყვირილი გახსოვს ირემის,
ეხლა მეც გაგეძრახები,
შენ, ჩემო თოფო ყირიმის.
1927
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru