ბრძოლა ღმერთთან
ღმერთი არის თუ არა? არა. მაგრამ დიდება
მისი ბევრჯერ მსმენია. ძილი არ მეკიდება.
იგი, ღამის გენია, ისევ შემეჭიდება,
მე - სხვა სულის ამარა, იგი - გაბედითება.
ვიბრძვით და რამდენია დღე, ის რომ ეზიდება,
რამდენი ჰო, და არა, ალზე ალის კიდება.
ერთიც არ ამცდენია ცეცხლის არდარიდება,
დილით მოსაწყენია ძილი და დამშვიდება.
1925
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru