რა მშვენიერი იყო ნამი!
...რა მშვენიერი იყო ნამი ყვავილის გულზე!..
მზე სხივს აფრქვევდა, ათასფერად ღვიოდა ნამი.
შიგ იხატვოდა, როგორც ამაყ ზღვათა უფსკრულზე,
ზეცის მშვენება, ზეცის სხივი, ზეცის კამკამი.
...რა მშვენიერი იყო ნამი ყვავილის გულზე!
ცა ვარსკვლავებით მოჭედილი ზე დასცქეროდა,
თითქო ცის შვილის ყოფნას ვარდზე და სიყვარულზე
განცვიფრებოდა - თვალს ლულავდა, არა სჯეროდა...
დღეს აღარ არის! წაჰყვა მზის შუქს აფერადებულს,
დალია სული სიყმაწვილის ნაზ გაზაფხულზე,
მაგრამ მგოსანი კვლავ იგონებს მის ნეტარ წარსულს...
...რა მშვენიერი იყო ნამი ყვავილის გულზე!
1910
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru