ძველი ჭადარი ექსკლიუზივი
ჭადრის გაშლილი ჩერო სად არი,
ოქროს ჩარდახს რომ ადრე ფარავდა?
რამ დააბერა აგრე ჭადარი,
ან აგრე როგორ დაპატარავდა?
ვწუხვარ და მინდა წყალი ვუბოძო,
მერქანს ვეკვრი და ვემარტოვები,
გვალვით დამსკდარა ქერქი უკორძო
და გაძარცულან ჭადრის რტოები.
ბუნებამ შექმნა თვისი წესები,
სიბერეს წელში მოხვრა სჩვევია.
მაგრამ ფესსვები, ჭადრის ფესვები,
ჩემს სიჭაბუკეს შემოხვევია.
1957 წელი, ქუთაისი
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru