* * * მთელი ზამთარი ექსკლიუზივი
როგორ მოვმცდარვარ! –
ზამთარი ითხოვს სულის შებერვას -
ჩამოილევა რიცხვიც ოცდარვა
და მოეღება ბოლო თებერვალს.
მიყრილა ცაზე დათვი და ბელი -
მიფიცხებია მთვარის გრილ კოცონს.
მიწა კი მშიერ გაზაფხულს ელის -
მოვა და თოვლის საძოვრებს მოძოვს.
მინავლებულა რიცხვიც ოცდარვა,
ნაკვერჩხალივით შებერვას ითხოვს.
მთელი ზამთარი ისე მოვმცდარვარ,
არ ილეოდეს ზამთრებიც თითქოს...
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru