ბრწყინავს დარბაზი...

ირიბი სხივი ჩამოატყდა მდიდრულ სასანთლეს

და ბრილიანტის ფარღულებში დაისავანა...

ბრწყინავს დარბაზი...

და ერთმანეთს ეჯიბრება ლალი, ალმასი,

ამეთვისტო, მწვანე ზურმუხტი,

`პიერ კარდენის~, `კოკო შანელის~,

`ჯანი ვერსაჩეს~

ფარჩა, ატლასი...

ჭექავს დარბაზი...

`როკის~ ხმაზე როკვენ

მბრწყინავი ქალბატონები,

მათი ქმრები, საყვარლები და მეგობრები...

ბორგავს დარბაზი...

და უეცრად...

ფანჯრებს აწყდება სამშობლოს ჩრდილი _

ხელგაწვდილი, მშიერი ბავშვის სუსტი სხეული

და...

ჯოჯოხეთურ!..

სილამაზით!..

ბრწყინავს!..

დარბაზი!..