ვარიაცია I

ტირანიიდან – არჩევნებამდე,

გაქროლებიდან – გაჩერებამდე,

დალხინებიდან – გაჭირვებამდე,

ამნისტიიდან – დაჭერებამდე,

უწმუნობიდან – დაჯერებამდე,

დავიწყებიდან – გახსენებამდე,

დასვენებიდან – გასვენებამდე,

და ასე, ასე დღე და მოსწრება –

კაცის ნებიდან – უფლის ნებამდე!

ვარიაცია II

ინტერნატიდან – ინტერნეტამდე,

ტუჩის კოცნიდან – ტუჩის კვნეტამდე,

დედა-დედადან – ნეტა-ნეტამდე,

ბრძოლის ველიდან – თეთრ ბილეთამდე,

მზიურ პლაჟიდან – პირქუშ ლეთამდე,

სისხლის სულ ბოლო, ბოლო წვეთამდე!