დავწვები შენს მკლავებზე,
თავქვეშ ბალახივით
შენს თმას ამოვიგებ,
პირით სიჩუმეს გავღეჭავ
ცვრიანს და გაგიყოფ..
ამოგხედავ ხოლმე
დახუჭული თვალებით
ცამდე,
ჩემი ნიავი გზა იქნება შენი-
სულშებერილი..
მაგრამ, რა გააჩუმებს
თეთრ ძროხებს,
ყველა ეზოში ერთდროულად რომ
აბღავლდნენ და
შიშისგან თუ ელდისგან
ფერდები უთრთით?..
რა წყევლაა,
ეს ხმა თუ უნდა ქცეულიყო
ჩემი სიყვარულის ექოდ-
გამუდმებით რომ ჩამესმის-
კართან დგანან და
თითქოს ყელზე დანა ებჯინოთ,
სადღაცისკენ პირმიქცევით ბღავიან
თეთრი ძროხები,
ბღავიან, რეკავენ
ცხლად მსუნთქავი სამრეკლოები!..
ეს წყევლა რაა!
თავქვეშ ბალახივით
შენს თმას ამოვიგებ,
პირით სიჩუმეს გავღეჭავ
ცვრიანს და გაგიყოფ..
ამოგხედავ ხოლმე
დახუჭული თვალებით
ცამდე,
ჩემი ნიავი გზა იქნება შენი-
სულშებერილი..
მაგრამ, რა გააჩუმებს
თეთრ ძროხებს,
ყველა ეზოში ერთდროულად რომ
აბღავლდნენ და
შიშისგან თუ ელდისგან
ფერდები უთრთით?..
რა წყევლაა,
ეს ხმა თუ უნდა ქცეულიყო
ჩემი სიყვარულის ექოდ-
გამუდმებით რომ ჩამესმის-
კართან დგანან და
თითქოს ყელზე დანა ებჯინოთ,
სადღაცისკენ პირმიქცევით ბღავიან
თეთრი ძროხები,
ბღავიან, რეკავენ
ცხლად მსუნთქავი სამრეკლოები!..
ეს წყევლა რაა!