Litclub.ge

დედას
დედი, ვიცი , ახლა გძინავს- 
დარდიანს და სიზმრიანს, 
მე კი მინდა, როცა გცივა- 
გადაგისხა სისხლიდან: 
მზე, ღიმილი, ცისარტყელა- 
შენიდან რომ მაწვიე, 
შენ რომ მყავხარ-ისე მცხელა, 
ნეტავ,რა გამაციებს!.... 

მინდა ახლა შენთან ვიყო, 
შევეხიზნო სიზმრის ტყეს, 
დედი! შენი დღე დაიწყო, 
შენი დაბადების დღე.... 

შენ კი... ისე ტკბილად გძინავს, 
(რა გაჩუქო?- არ ვიცი), 
ჩამოგაბნევ ვარსკვლავთა მძივს- 
დაბადების ღამისთვის...