რას არ აკეთებს ამ ქვეყნად კაცი,

ცხოვრება ერთხელ არ ეტყვის "გრაცი!"

თუ ეტყვის, მხოლოდ ერთ სიტყვას ეტყვის:

                         ა    ც    ე !

გზას განვლის გრძელს და ქვიანს და კაცურს,

გაცვეთს ქალამანს ჩექმას და ფაჩუჩს,

გზა მათრახივით გაიტყლაშუნებს:

                        ა    ჩ    უ !

უნდა ბედის ქვა ერთთავად ზიდოს,

რომ ის ქვა მერე საფლავზე ედოს.

დრო პატრონივით მიზდევს და ყვირის:

                    დ   ი   დ   ჰ   ო !

მერე ერევა ბილიკი თოკში,

და სანამ არის სიცოცხლის შოკში,

წინ გადუდგება წერა და ეტყვის:

                  თ   ო   ქ   შ   ი !