ეს იყო თხუთმეტი წლის წინათ.

ეს იყო თხუთმეტი წლის წინათ.

დიკკენსის გმირივით ცეცხლთან ჩაფიქრება.

ღამეა, საცაა სანთელი ჩამიქრება.

ოცნება წარსულზე და ღვინის ფარები,

საცაა სანთელი ისევ ჩამიქრება.

უეცრად გრიგალმა დააღო კარები

და ბინა პოეტის გადაიქცა ქვითინად,

ეს იყო თხუთმეტი წლის წინათ,

ეს იყო თხუთმეტი წლის წინათ.

მე თვალით ვეძებდი ზამბახის პრინცესას,

მწყუროდა ცისფერი ვარდები.

1927