ვითარც ჩვილი უუფლებო, წლებით მხოლოდ ბავშვი, ბიჭი,

მის გონებას წილად ერგო გართობის და ვნების ნიჭი;

სულით ურცხვი, არ ჰღაღადებს კეთილმოსურნეთა რწმენას;

ეშმაკივით მატყუარა, ემოწმება ცრუთა ენას;

პირფერობის ხელოვანი აკვნადყოფნის ასაკიდან;

ცვალებადი, ვითარც ქარი, მონაბერი მაღლა მთიდან;

ქალწულთა და მეგობართა სიცრუით აღმავსებელი;

სკოლიდანვე ტყუილების ოსტატი, დამფასებელი;

დამეტია, - უზნეობა მაღლა ცამდე ვინც ასწია,

გაცილებით სხვებზე ადრე მის მწვერვალებს მიაღწია;

მაგრამ ვნება, ერთადერთი მბრძანებელი სულის მისი,

აიძულებს კვლავაც შესვას განცხრომათა ცრუ სასმისი;

ავზნე ჟინით შეპყრობილი, ჯაჭვის რგოლებს წყვეტს ძაფებად,

და დამღუპველ სასმისს კვლავაც ის განცხრომით ეწაფება.