ირგვლივ გაზაფხულის დღეა მზიანი,

მზე არის ბაღშიც,

და ბაღში დარბის ხუჭუჭთმიანი

პატარა ბავშვი.

ნაზი პეპელა დაეძებდა უნაზეს ყვავილს,

პატარა ბავშვი ეძებს პეპელას...

იგი მივიდა, სადაც თეთრი ყვავილი ჰყვავის -

ყვავილთ მკრეფელად.

შეკრთა პეპელა, - სხვა ყვევილებს მან მიაშურა,

ბავშვმა ღიმილი გააყოლა ნაზად, ბავშვურად.

თამაშობს ბავშვი, - თითები აქვს მელნიანები,

და ლოყაზედაც ვერ ამჩნევს მელანს,

და დღიურში კი - ორიანები,

თვალებიდან კი - ჭკვიანი მზერა.

თამაშბს ბავშვი, მზე აღარსად ჩანდა,

თამაშობს ბავშვი, ბალახებში აგდია ჩანთა.

1956