ჩემს ქალაქში სხვანაირად იცინიან,

ჩემს ქალაქში სხვანაირად წვიმს,

ჩემს ქალაქში სხვანაირი სურნელია,

მიწის... ცის...

ჩემს ქალაქში სხვანაირად გრძნობენ,

ჩემს ქალაქში სხვანაირად უყვართ,

ჩემს ქალაქში სხვანაირი ჰაერია,

სხვანაირად სუნთქავ...

ჩემს ქალაქში სხვანაირად იზრდებოდნენ,

გლეხების და მეფეების ასულნი,

ჩემს ქალაქში სხვანაირად ამაყობენ

წარსულით...

ჩემს ქალაქში სხვანაირად ხატავენ,

სხვანაირად აღიქვამენ ფერებს,

ჩემს ქალაქში პოეტებიც,

სხვანაირად წერენ...

აქ მტკვრის პირას სხვანაირად ფიქრობენ,

სატრფოს ქორწილს სხვანაირი ფერი აქვს,

აქ კიბის ქვეშ სხვანაირად ცხოვრობენ და

სხვანაირად კვდებიან...

ჩემს ქალაქში სხვანაირი სითბოა,

ჩემს ქალაქში სხვანაირად მღერიან,

ჩემს ქალაქში სხვანაირი ღვინოა,

სხვანაირად თვრებიან...

ჩემს ქალაქში სხვანაირი სინათლეა,

მზე ზამთარშიც არასოდეს ცივდება,

თუ შემთხვევით ამ ქალაქში მოხვდები,

წასვლა გაგიჭირდება.