ბაწკი-ბუწკი,

ბაწკი-ბუწკი,

იჩხვლიტება წაბლის ბუძგი,

სულ ბუზღუნებს:

- ნეტავ რით მჯობს

ეკლები მაქვს უფრო კარგი,

თანაც მუცლით დამაქვს წაბლი!

 

იბრიქება

და ამდენი ბაქი-ბუქით,

ბაწკი-ბუწკი,

ბაწკი-ბუწკი,

დაბლა გაადინა ბუთქი!

წაბლი ცალკე გადაგორდა,

ბაწკი-ბუწკი,

ბაწკი-ბუწკი,

მოკუსკუსებს ზღარბი-ზღურბი,

დაინახა, გზაზე გდია

აქეთ წაბლი, იქით ბუძგი,

წაბლი ჩადო ზურგჩანთაში,

ბუძგი დარჩა გაბუსხული.