ჰამაკი...ბევრჯერ წაკითხული გრანელის ლურჯი

წიგნი და... ყვითელგულიანი ჩიტები ხეზე...

ბიძაშვილები-თაგვებივით შესული ბუჯერს...

ხალმიდან ყველის ამოღება და მერე ჭიშკარ-

გადაღმა ფრთხილად გადაპარვა,ბიჭებთან ძუსის

სანაპიროზე ცოფიანი არაყით "თიშვა"...

თხმელებში- ბანქო,სიგარეტი და სამი ტუზი.

საერთოდ წერა მომენატრა...მსუბუქად წერა...

მწვანე მინდორი...მოლოდინი გვალვაში ავდრის;

მე ახლა ზემო ვარკეთილში დივანზე ვწევარ

და ზედვაკეში მარტო ჩემი ოცნება დადის.

ფურცელზე წერა მომენატრა,უბრალოდ წერა...